म्हाळुंगे :
गणेश जयंतीच्या शुभ मुहूर्तावर म्हाळुंगे येथील श्री सूर्यमुखी गणेश तरुण मित्र मंडळ आयोजित श्री गणेश प्राणप्रतिष्ठा, नूतन मंदिर जीर्णोद्धार व कलशारोहण सोहळा मोठ्या उत्साहात आणि भक्तिभावाने पार पडला. या वेळी आमदार शंकर भाऊ मांडेकर आणि राष्ट्रवादी महिला काँग्रेस पुणे शहर कार्याध्यक्ष सौ. पूनम विशाल विधाते यांची विशेष उपस्थिती होती.
गणेश जयंतीच्या पावन दिवशी राष्ट्रवादी महिला काँग्रेस पुणे शहर कार्यध्यक्षा पूनम विधाते यांनी बाणेर, बालेवाडी, सुस आणि महाळुंगे येथील विविध गणेश मंदिरांना भेट दिली. या दौऱ्यात त्यांनी गणेश भक्तांशी संवाद साधत त्यांना गणेश जयंतीच्या शुभेच्छा दिल्या.
स्थानिक नागरिकांशी संवाद साधण्याची आणि त्यांच्या समस्या जाणून घेण्याची संधी या निमित्ताने मिळाली. गणेश मंदिरांत धार्मिक विधी, पूजन आणि विविध सामाजिक कार्यक्रमांचे आयोजन करण्यात आले होते. या मंगलमय प्रसंगी भक्तगणांनी मोठ्या संख्येने हजेरी लावली. सर्व उपस्थित गणेश भक्तांना गणेश जयंती निमित्त हार्दिक शुभेच्छा !
– सौ. पूनम विशाल विधाते (कार्याध्यक्ष : राष्ट्रवादी महिला काँग्रेस पुणे शहर)
