सुप्रिया सुळे संतापल्या; म्हणाल्या, फडणवीसांसमोर पदर पसरून.
शरद लाटे
9
18-02-2025 14:02:40
पुणे ::
संतोष देशमुख यांच्या कुटुंबाला न्याय भेटल्याशिवाय स्वस्थ बसणार नाही. मुख्यमंत्री देवेंद्र फडणवीस यांना भेटून मी पदर पुढे करणार आहे. माझ्या भावाला न्याय द्यावा, अशी मागणी करणार आहे.
मला मुख्यमंत्र्यांकडून खूप अपेक्षा होत्या, पण…
सुप्रिया सुळे म्हणाल्या, "डॉ. बाबासाहेब आंबेडकर यांनी संविधान दिले. पण, एका कुटुंबाला 69 दिवस झाले न्याय मिळत नाही. हे धक्कादायक आहे. महाराष्ट्र माणुसकी विसरला आहे का? हा प्रश्न पडला आहे. मुख्यमंत्र्यांसोबत आमचे टोकाचे राजकीय मतभेद आहेत. पण, मला मुख्यमंत्र्यांकडून खूप अपेक्षा होत्या. देशमुख कुटुंब मुख्यमंत्र्यांना बोलल्यानंतर आठ दिवसांत न्याय मिळेल, असे वाटत होते. मात्र, हे राज्य मी चालवतो, राज्यात कुठलीही कृती सहन करणार नाही, असे मुख्यमंत्र्यांनी सांगायला पाहिजे होते."
सत्ता आणि पैशांची बीडमधील काही जणांना मस्ती आहे
"मी मुख्यमंत्र्यांना भेटून माझा पदर पुढे करून संतोष देशमुख यांना न्याय देण्याची मागणी करणार आहे. आठ दिवसांपूर्वी बजरंग बप्पा सोनवणे आणि मी गृहमंत्री अमित शहा यांना भेटून आले. जातीने लक्ष घालणार, असा शब्द अमित शहा यांनी आम्हाला दिला आहे. पोलीस किंवा कुणीही गुन्हेगार असुद्या, त्यांची गय करू नये. सत्ता आणि पैशांची बीडमधील काही जणांना मस्ती आहे. ती मस्ती उतरली पाहिजे. आपण हा लढा ताकदीने लढू," असे सुप्रिया सुळे यांनी म्हटले.
बीडमधील गुंडागर्दी थांबलीच पाहिजे
"बीडमधील गुंडागर्दी थांबलीच पाहिजे. महिलेने मनमोकळपणाने फिरलेच पाहिजे. विकास-विकास काय आहे, हा आहे का सरकारचा विकास?" असा संतप्त सवाल सुप्रिया सुळे यांनी उपस्थित केला आहे.
आपल्या भागांतील बातम्यासाठी कृपया आमचे फेसबुक पेज लाईक करा
