Pune ::
शिवजयंतीच्या दिवशी म्हणजेच 19 फेब्रुवारीला कोथरूड परिसरात असलेल्या छत्रपती शिवाजी महाराज पुतळ्यापासून मिरवणूक निघाली होती. त्यावेळी चार जणांनी बाईकवरुन जाणाऱ्या एकाला कट मारला. त्यावेळी या व्यक्तीने त्या चार जणांकडे रागाने बघितलं. तेव्हा त्यांच्यामध्ये वाद झाला आणि त्या चौघांनी मिळून त्या इसमाला बेदम मारहाण केली. देवेंद्र जोग असं केंद्रीय मंत्री मुरलीधर मोहोळ यांच्या कार्यालयात काम करणाऱ्या तरुणाचं नाव आहे.
या प्रकरणी कोथरूड पोलीस स्टेशनमध्ये त्या चौघांविरोधात BNS कलम 307 अंतर्गत गुन्हा दाखल करण्यात आला आहे. चार पैकी तीन आरोपींना कोथरूड पोलिसांकडून अटक करण्यात आलेली आहे तर एक आरोपी, जो खुख्यात गुंड गज्या मारणेचा भाचा आहे, तो फरार आहे. विशेष म्हणजे, हे चौघेजण कुख्यात गुंड गज्या मारणे याच्या टोळीतील आहेत.अमोल विनायक तापकीर, ओम तीर्थराम धर्म जिज्ञासू, किरण कोंडीबा पडवळ, आणि बाबू पवार (गजाचा भाचा) असे आरोपींचे नाव आहेत. ज्यांच्या विरोधात गुन्हा दाखल करण्यात आलेला आहे.
